Izložba „Lice drugoga“

Od 2014. godine prelijepa crkva Svetog Pavla ugošćuje velika imena savremene italijanske umjetnosti, uvijek u organizaciji Zajednice Italijana Crne Gore, u saradnji sa Narodnim univerzitetom iz Trsta, uz sredstva Regije Furlanija-Julijska krajina i pod pokroviteljstvom Ambasade Italije u Crnoj Gori.
Veliki uspjeh kod publike imalo je otvaranje izložbe „Lice drugoga“ Uga Gilette, u kustoskoj postavci Marca Puntina. Prisvajajući selektivni pogled fotografskog objektiva, Ugo Giletta (1957, San Firmino di Revello, Cuneo) godinama je tehnikom akvarela, koja mu je bliska, stvarao seriju radova u kojima je fascinacija ženskim tijelom izražena bez intelektualističkih filtera, bez opravdanja i bez ikakvih krajnosti. Ono što je Giletta slikao bilo je tijelo primitivno i razvijeno, kojem nije bila potrebna „glava“ da bi se izrazilo, već se kretalo snagom sopstvenog jezika. Sjenke crne i sive naglašavale su krivine i položaje bez samopodilaženja, ali uz apsolutno poštovanje prema prirodnoj i vječnoj ljepoti.
Dostigavši ovom serijom veoma visok nivo izražajnosti, Giletta je od početka novog milenijuma poželio da istraži teritoriju čiste misli, usredsrijedivši se na ljudsko lice.

Cjeloviti tekst na italijanskom jeziku možete pročitati na italijanskoj verziji ove objave.